Home Musings మారరా.. మారి బ్రతకరా…

మారరా.. మారి బ్రతకరా…

Contributed by Vasudeva Sri Vamsi

మారరా మీరస్సలు మారరా …

వదలరా వదలరా మూర్ఖత్వం వదలరా…

మెలగరా మెలగరా భాధ్యతతో మెలగరా…

బ్రతకరా బ్రతకరా జ్ఞానంతో బ్రతకరా…

 

ఎంతచెప్పాలి , మీకు ఎలాచెప్పాలి….

మళ్లీమళ్లీ వినటానికి సిగ్గుఉండాలి…

బుద్ధి , జ్ఞానం , కుసంత బుర్ర వాడాలి..

దేశం నీదనుకునేంత భాద్యతుండాలి ..

 

ఇంటిపట్టునుండమంటే మాటవినాలి …

దానివెనుకవున్న కారణాల్ని తెలుసుకోవాలి …

మనిషికున్న మేధస్సును వాడుకోవాలి …

ఇంక పిచ్చిప్రశ్నలేయకుండా మూసుకోవాలి..

 

విపత్తులను ధైర్యంగా ఎదుర్కోవాలి…

అసలు నిర్లక్ష్యం పూర్తిగా వదిలెయ్యాలి…

మనవల్ల నలుగురెపుడు బాగుపడాలి…

జనాల్ని భాధపెట్టేవాళ్ళకి శిక్షపడాలి…

 

రోడ్డు మీదకి రావడానికి బుద్దుండాలి…

ఇపుడు నిర్లక్ష్యంగుండటానికి సిగ్గుండాలి…

దేవుడు బుర్రిచ్చినపుడు వాడికోవాలి…

భాధ్యతతో ఆచితూచి వ్యవహరించాలి…

 

ఎంతచెప్పాలి , మీకు ఎలాచెప్పాలి….

మళ్లీమళ్లీ వినటానికి సిగ్గుఉండాలి…

బుద్ధి , జ్ఞానం , కుసంత బుర్ర వాడాలి..

దేశం నీదనుకునేంత భాద్యతుండాలి ..

 

అసలు ఇంతకథకుకారణం మనమే అనాలి …

ముందు మనిషిప్రవర్తనలో చాలా మార్పురావాలి..

అన్నీజీవుల్ని సమానంగా చూడాలి ….

ప్రకృతిలో భాగంమనమను స్పృహరావాలి…

 

అడవికాలినపుడు సాయంచేసుండాలి…

తూఫాన్లొచినపుడు చేయూతే ఇచ్చిఉండాలి…

మనదికాదు మనకిరాదు అని వదిలేశాం..

ఇపుడు మనకితప్పదింక ఎదుర్కోవాలి…

 

చెట్లునాటి , మూగజీవుల సాయపడాలి…

అన్నిటితో మనమనేటి తెలివుండాలి…

పొల్యూషన్ చేయటాన్ని ఆపెయ్యాలి…

మనం ప్రకృతిలో భాగం అని తెలుసుకోవాలి…

 

ఇప్పటికైనా మనకళ్ళు తెరుచుకోవాలి…

ఇంకనుంచైనా “మనిషి” లాగా మనముండాలి…

భాధ్యతగల పౌరుడివలె నడుచుకోవాలి…

లోకహితం కోసం నిరంతరం పాటుపడాలి…

దేశసేవలోనే ఈ తనువును చాలించాలి…

 

చేతులు ప్రతిగంటగంట కడుగుతుండాలి…

పరిశరాలు శుభ్రంగా ఉంచుకోవాలి …

శుభ్రతనే దైవంగా భావించాలి …

స్వీయ దిగ్భంధం తప్పదంటు పాటించాలి…

 

ఈ మాటలు తప్పనిసరిపాటించాలి…

నాదేశం త్వరగా రక్షింపబడాలి…

నా అనువారందరెపుడు బాగుండాలి…

ఆయురారోగ్యాలతో మీరు తులతూగలి…

Load More Related Articles
Load More By ohmanasa-admin
Load More In Musings

Check Also

ఆత్మహత్య కూడా ఓ హత్యే.

Contributed by Potta Vamsi Krishna …